المربع الذي يمثل حياتك

هنتخيل انى ده مربع
مربع بلغة الرياضيات يعنى
اربع زوايا قائمة
متساوى الاضلاع

وبيتههيالى اخر مرة كان محيط المربع =طول الضلع فى 4

مش فاكرة صح ولا غلط بس هو كان تقريبا كده

+
وده شكل صليب بيتكون من اربع زوايا قائمة

ايه وجه الترابط بين الاتنين انا مش عارفة بس تعالوا نشوف حاجه كمان

تعالوا نتخيل انى حياتنا عبارة عن مربع

ياترى ايه ممكن يكونوا الاربع زوايا القائمة او الاربع اضلاع المتساوية فى حياتنا اللى تدى مربع سليم


بيتهيالى مبدئيا لو حبينا نربط بين الصليب والمربع ممكن نحط الصليب جواه وهيكون احسن وسيله تربط بين الاضلاع الاربعه بقوة

طب ايه اللى فى حياتنا ممكن يمثل الاربع اضلاع

ماضى+ حاضر+مستقبل

بس دول تلاته

طب لو قلنا ماضى +حاضر+مستقبل+شخصيتى
ماضى+حاضر+مستقبل+ظروفى
ماضى +حاضر +مستقبل +مجتمعى
ماضى+حاضر+مستقبل+صلاة لكل امورى

طيب متيجى نخليها

شخصيتى +ظروفى+مجتمعى+صلاة لكل امورى= عمر الماضى كان هو معايا فيه و الحاضر هوه مباركه باديه و المستقبل هو عارف بيه

بيتهيالى المعادلة كده احسن بكتير

صلاتك هى حياتك
صلاتك هتحدد اتجهاتك
صلاتك مصدر نجاحك
صلاتك هتخلى امورك تفوق توقعاتك

الصلاة ارجوكم مش واجب
الصلاة مش مزمور وكلام محفوظ
الصلاة مش خوف ورعب
الصلاة مش فرض

الصلاة لو مكنتش علاقة حب
الصلاة لو مكنتش اتجاه قلب
الصلاة لو مكنتش حياتك بجد

يبقا انت مبتصليش

الصلاة يعنى وانت بتفكر يعنى وانت بتتكلم يعنى وانت بتشتغل وانت بتاكل وانت بتتفرج على التلفزيون وانت بتعمل خير وانت بتعمل شر

الصلاة يعنى لو هتشتغل بياع لمدة ساعه يارب خلينى احقق اعلى المبيعات واتمجد من خلال بيعى

بيفرق اوى لما بياع الصبح قبل مينزل يقول وهو ماشى فى طريقه للدكان يارب تعالى باركنى

والتانى يقول تعالى استخدمنى

والتالت يقول باركنى واستخدمنى وخلينى ابيع كتير اوى

وعن واحد نزل معتمد على قدراته وبضاعته

على قد مهتطلب هتاخد

مش هتاخد ازيد من مهتطلب

لما تصلى فى كل خطوة قبل متخطيها

حتى لو حصل فى الامور فشل فظيع جواك بتبقا متاكد انى اكيد فى نجاح قريب

لانك متاكد انك اتحركت وانت واخد البركة من ايد ربنا

اتحركت وانت متاكد
انه مستحيل تسلمه الطريق وهو يسيبك تغرق وسط الريح

يابنى ماذا تريد ان افعل بك

يسوع حى وموجود

هو اللى بيقول حتى الآن لما تطلبوا شيئا

يسوع مستنى حتى ولو كلام بسيط ومحدود وهو هيستخدم حياتك بطريقة تفوق كل العقول

ربى خلى حياتى معاك تكون اتجاه قلب قرر يعيشلك يطلب مشيئتك
رغم الضعف والخوف والجهل والخطأ

اصنع منى اناء يصلح لسكناك

اكون انا ترابه ودماءك مايسهل تشكيل هذا التراب
وروحك يسكن هذا الاناء الذى من صنعة يداك


منقوووووووووووووول