كلمة بنهرب منها عارفنها و حافظنها ممكن نكون زهقنا من
كتر ما بنعملهاوهى(((الصلاة)))
هو ده الموضوع اللى انا حبيت اكتب عنه
كلمة اول لما بنشوفها فى رسالة او بنسمعها كتيير اوى بنهرب منها علشان كده
كان السيد المسيح له المجد كان عارف اللى هيحصل كان عارف اللى ولاده
هيعملوه كان عارف اننا هنزهق ما الصلاه و من الكلام معاه او نقرا كلمتين من
الاجبيه و نجرى بسرعة و نقول خلصنا علشان كدة قالنا ((صلوا كل حين و لا
تملوا)) عرفتوا ليه بقى قال الاية دى
احنا فى عالم السرعة وكل حاجة عاوزنها بسرعة
وجايز نكون مش قادرين نقعد قدام ربنا لاننا اصلا هاربانين من نفسنا
وجايز نكون مكسوفين منه لاننا بس مابنفتكرهوش الا بس فى الاوقات الصعبة
وجايز نكون زعلانين منه لاننا طلبنا حاجات وماخدنهاش
وجايز نكون اخدنا وعود منه من زمان لكن محصلش بيها اى تغيير لكن الامور
بتسوء
خدعة كبيرة انك تزهق تمل و تهرب من الصلاة او تخدع نفسك بوهم الصلاة انك
تقول:: بقرا كل صلوات الاجبية وانت اساسا مابتتكلمش معاه
مفيش احسن منه صدقنى
تتكلم معاه
تترمى بين ايديه
جايز تقول ماعنديش كلام اقوله خلاص خلص
قوله كده قوله (يارب خلاص سكت الكلام عجز اللسان ومبقاش عندى اى كلام
عاوز اعرف اصليلك بس انا مجروح مكسور خاطى هربان فاقد القدرة على الكلام و
مش شايف غير الظلام يعنى تقدر تحسبنى من العميان
ميت ولكن ماشى وسط الاحياء))
اقعد بس قدامه اتخانق معاه او عاتبه اسكت و قوله مش عارف اتكلم
قوله انا زهقان من قبل ما اتكلم
كلمه و و انت بتصليله افتكرله ولو حاجة واحدة من الحاجات الكتير اللى كان
نفسك فيها و هو ادهالك و اشكره عليها و امشى حاجة واحدة بس اكيد هو ادالك
حاجات كتييير بس انت دور و بس اشكر
قوله يارب اسمعنى ممكن تقولهاله دلوقتى بكلمات فى سرك او بصوت عالى المهم
تقوله::
((عند دعائى استجب الى يا اله برى فى الضيق تراءف على و اسمعنى واسمع
صلاتى))
عاتبه قوله انا زعلان منك لانك ناسينى (الى متى يارب تنسانى كل النسيان
الى متى تحجب وجهك عنى))
يارب يسوع اشكرك لانك قابلنى و بتسمعنى زى ما انا
اقبلنى رغم اللى فيا
بص انا ماعنديش يارب كلام اقوله ليك لكن جاى و بقولك
انا جاى و بصليلك ليه مش عارف
حايز خايف منك
جايز محتاج حاجة منك
جايز لانى ماليش غيرك
بص يارب انا جاى و بطلب منك انك
تعلمنى تفهمنى ترشدنى تشفينى و تطهرنى
ارجو يا الهى خد قلبى الوحش ده وادينى واحد طاهر من عندك
وانا مصدق انك حى و سامعنى و هتستجيب ليا
امين
منقوووووول
الأربعاء مارس 05, 2014 2:52 am من طرف sallymessiha
